Mae CGGSDd yn cynnig sbectrwm eang o gyngor a chefnogaeth i’r Trydydd Sector i sicrhau llywodraethu da. Mae llywodraethu yn cwmpasu ystod eang o themâu gan gynnwys pa strwythur cyfreithiol i’w ddewis, sut i recriwtio aelodau bwrdd, gweithio gyda thryloywder ac ymddiriedaeth; a sut i dyfu, cynnal ac adrodd ar eich effaith.
Rydym yn cynnig cymorth pwrpasol, cyrsiau hyfforddi a mynediad at ganllawiau ar-lein sydd i’w gweld ar yr Hyb Gwybodaeth: https://knowledgehub.cymru/cy/
Adeiladwch eich sylfeini
Mae treulio amser ar gynllunio a chael y strwythur cywir yn ei le er mwyn i’ch sefydliad allu gweithredu a thyfu, yn hollbwysig. Os nad ydych chi’n gwybod sut i ddechrau, gallwn ni helpu. Gallwn hefyd eich cynghori ar sut i recriwtio’r bobl cywir – staff, gwirfoddolwyr ac aelodau bwrdd.
Adeiladwch eich gwytnwch
Mae dysgu bod yn hyblyg ac arloesol i ymateb i newidiadau sydyn yn eich amgylchedd yn bwysicach nag erioed. Yn greiddiol i hyn mae meithrin perthnasoedd a chysylltiadau cryf. Gallwn eich cefnogi.
Adeiladwch eich llais cymunedol
Gallwn eich cynorthwyo i ddeall a mesur yr effaith yr hoffech ei chael ar unigolion a chymunedau. Gallwn hefyd roi cyngor ar sut i ddatblygu eich brand a llunio strategaeth gyfathrebu a marchnata.
Adeiladwch eich cynaliadwyedd
Gallwn eich helpu i gael cydbwysedd rhwng effaith gymdeithasol ac ennill digon i gynnal eich sefydliad. Gallwn roi cyngor ar ffynonellau incwm a sut i reoli llif arian
Am ragor o wybodaeth, cysylltwch â:
Ali Carter – Rheolwr Menter a Buddsoddi E-bost: ali@dvsc.co.uk
